ბაკურიანსა და გუდაურში ზამთრის საკურორტო სეზონი აქტიურ ფაზაშია შესული. ბაკურიანში დამსვენებლების სიმრავლეა, რაც ადგილობრივი ფასებითაც გამოიხატება: დამსვენებლები აღნიშნავენ, რომ რაც წელს იქ ხდება, ყველა ზღვარს სცდება.
„მაგალითად, ერთ-ერთ ჩაიხანაში 4 ჭიქა ჩაიში გადავიხადე 25 ლარი, ოღონდ ეს იყო 4 ჭიქა ადუღებული წყალი, 4 ცალი ერთჯერადი ჩაი და 4 ერთჯერადი შაქარი.
სარესტორნე ფასებს რაც შეეხება, სტანდარტული ხინკალი 2,50 ლარიდან იწყება, ნახევარლიტრიანი კოკა-კოლა 5 ლარი, ხოლო ნახევარლიტრიანი წყალიც დაახლოებით, 5 ლარამდე ღირს“, – ამბობს ჩვენთან საუბრისას ერთ-ერთი დამსვენებელი.
მაღალი ფასებით გამოირჩევა გუდაურიც. ერთ-ერთი დამსვენებელი ამ თემასთან დაკავშირებით სოციალურ ქსელში პოსტს აზიარებს:
გუდაურის ეკონომიკური სურათი დღეს:
კვების ობიექტები:
- – 10 ლარი ადგილზე გამომცხვარი პაწაწინა პური
- – ხაჭაპური – 40-45 ლარი
- – ცეზარის სალათა – 40-47 ლარი
- – მწვადი – 4 ნაჭერი – 18-30 ლარი
- – 30 ხინკალი – 84 ლარი (ყველაზე იაფი ვერსია)
- – ბურგერები – 35-60 ლარი
- – Dunkins ყავა კარამელ მაკიატო – 18 ლარი
- – დესერტი – 2 ცერა თითისოდენა სუფლე – 22 ლარი
- – ვაშლის შტრუდელი – 29 ლარი
- – პიცა პეპერონი – 43 ლარი
- – ნაყინი – 18 ლარი
- +18% მომსახურების…
- და სხვა ასეთი მრავალი სანახაობა ელოდება ჩამსვლელს… „ – წერს დამსვენებელი.
წყარო – ბიზნესპრესნიუსი
Loading ...
