პენტაგონის მაღალჩინოსნის ინფორმაციით, რუსეთი ხერსონს სრულად აღარ აკონტროლებს

უკრაინული მედია The New York Times-ზე დაყრდნობით წერს, რომ რუსეთი ხერსონს სრულად აღარ აკონტროლებს. თავად The New York Times-ი ინფორმაციას პენტაგონის მაღალჩინოსანზე დაყრდნობით ავრცელებს.

აშშ-ის თავდაცვის სამინისტროს წარმომადგენელი ამბობს, რომ უკრაინელი ჯარისკაცები ხერსონის გარეუბანში იბრძვიან და რუს ოკუპანტებს ტერიტორიიდან აგდებენ.

გარდა ამისა, მაღალჩინოსანი ამბობს, რომ რუსების მიერ ხერსონზე კონტროლის არქონა იქნება სერიოზული დანაკარგი, რადგან ის საკვანძო ადგილია, რომლითაც რუსეთი უკრაინას შავ ზღვაზე გასასვლელს უკეტავს.

ანალოგიურ ინფორმაციას ავრცელებს NBC NEWS-ის ჟურნალისტი რიჩარდ ენგელიც. მას წყაროდ ასევე პენტაგონის მაღალჩინოსანი მოჰყავს.

“როგორც ჩანს, ის ისე მტკიცედ აღარ არის რუსეთის კონტროლის ქვეშ, როგორც ეს მანამდე იყო”, – ციტირებს ჟურნალისტი მაღალჩინოსანს.

რაც შეეხება უკრაინულ მხარეს, ხერსონის სამხედრო ადმინისტრაციის ხელმძღვანელი გენადი ლაგუტა  ამ ინფორმაციას უარყოფს.

formulanews.ge