დღეს ოზურგეთში პარტიამ “ჩვენი საქართველო -” სოლიდარობის ალიანსი ” გურიის მაჟორიტარობის კანდიდატად ნინო შეწირული-გობრონიძე წარადგინა. პრეზენტაციას პარტიის თავმჯდომარე ბექა ნაცვლიშვილი, გენერალური მდივანი მარიამ ჯაში და პოლიტსაბჭოს თავმჯდომარე ზვიად კვაჭანტირაძე ესწრებოდნენ. ნინო შეწირული გობრონიძე პარტიის პირველი ქალი კანდიდატია, რომელიც მაჟორიტარობისთვის იბრძოლებს. როგორც პრეზენტაციაზე აღინიშნა, ის აგრარულ მეცნიერებათა დოქტორია და 12 წლიანი გამოცდილება აქვს სოფლის მეურნეობის და კვების უსაფრთხოების საკითხებში. 2015-2019 წლებში ნინო შეწირული სურსათის უვნებლობის სამსახურის გურიის რეგიონული სამმართველოს უფროსი იყო. როგორც პარტიის ლიდერებმა განაცხადეს, მათი მთავარი გეგმა გურიაში სოფლის მეურნეობის გაძლიერება და განვითარებაა.
კომენტარები
Loading ...