პარლამენტთან სპეცრაზმელები არიან მობილიზებული, განლაგდა სპეცტექნიკაც

ჭიჭინაძისა და ჩიტაძის ქუჩებზე სპეცრაზმელები არიან მობილიზებული. ადგილზე განთავებულია წყლის ჭავლის მანქანაც.

პარალელურად წყლის ჭავლის მანქანები მობილიზებულია თავისუფლების მოედანზეც და პოლიციელებს კი კორდონი აქვთ გაკეთებული.

თავისუფლების მოედანზე წყლის ჭავლის მანქანა მას შემდეგ გამოჩნდა, რაც მეტროსადგურ „თავისუფლების მოედანზე” სამართალდამცავებსა და მოქალაქეებს შორის სიტყვიერი დაპირისპირება იყო. პოლიცია მეტროდან ამოსულ მოქალაქეებს ამოწმებდა, რასაც მოქალაქეების პროტესტი მოჰყვა.

მოგვიანებით, შსს მეტროსადგურებში საპოლიციო ღონისძიების შესახებ ინფორმაცია გაავრცელა და განაცხადა, რომ პოლიციისთვის წინააღმდეგობის გაწევისა და პოლიციელის კანონიერი მოთხოვნისადმი დაუმორჩილებლობის ფაქტზე ადმინისტრაციულ სამართალდარღვევათა კოდექსის 166-ე და 173-ე მუხლებით დაკავებულია 2 მოქალაქე.