პარიზში ავტომობილი “პარი სენ-ჟერმენის” მოზეიმე გულშემატკივრებში შევარდა

8 მაისის ღამეს, პარიზში, შანზ-ელიზეზე, ჩემპიონთა ლიგის ფინალში პსჟ-ს გასვლის აღსანიშნავად შეკრებილ გულშემატკივრებს მანქანა შეეჯახა, – წერს Le Parisien. პარიზის პოლიციის ცნობით, სამი ადამიანი დაშავდა, მათ შორის ერთი მძიმედ არის დაშავებული.

გამოცემის მიერ გამოქვეყნებულ კადრებში ჩანს, თუ როგორ ურტყამენ გულშემატკივრები მანქანას ავარიის შემდეგ. Le Parisien-ის ცნობით, შეჯახების გამომწვევი მანქანა შემთხვევის ადგილის მახლობლად დამწვარი იპოვეს. ავტომობილის გულშემატკივრებთან შეჯახების მიზეზებს გამოძიება იკვლევს. „ლე პარიზიენი“ არ წერს, ვინ მართავდა მანქანას და რა დაემართა მას.

გამოცემა ასევე იუწყება, რომ ზეიმის დროს გულშემატკივრებმა რამდენიმე მაღაზია და მანქანა დააზიანეს, პოლიციას კი აგრესიის გამომვლენი ადამიანების ჯგუფების დასაშლელად სპეციალური საშუალებების გამოყენება მოუწია. სულ 43 ადამიანი დააკავეს.