პანამაში სავარაუდოდ ეგზორციზმის რიტუალის შესრულების შედეგად გარდაცვლილი შვიდი ადამიანი იპოვეს. ამის შესახებ „ბიბისი“ იუწყება.
დაღუპულებს შორის არიან ორსული ქალი და მისი ხუთი შვილი.
დიდი ბრიტანეთის საზოგადოებრივი მაუწყებლის ცნობით, სამარხს იმ ტერიტორიაზე მიაგნეს, სადაც რელიგიური სექტა „ღმერთის ახალი ნათების“ წარმომადგენლები ცხოვრობენ.
პანამის ხელისუფლება მიიჩნევს, რომ რელიგიური სექტის წარმომადგენლებმა ქალსა და მის შვილებზე ეგზორციზმის რიტუალი შეასრულეს, რასაც ისინი ემსხვერპლნენ.
მომხდართან დაკავშირებით სამართალდამცველებმა ორი ეჭვმიტანილი დააკავეს. გავრცელებული ცნობით, დაკავებულებს შორის არის გარდაცვლილი ორსული ქალის მამა.
როგორც პროკურორები იუწყებიან, მასობრივ სამარხს მას შემდეგ მიაგნეს, რაც ადგილობრივმა მოსახლეობამ რელიგიური სექტის წარმომადგენლებს უჩივლა, რადგან მათ რამდენიმე ოჯახი ჰყავდათ დატყვევებული და არ უშვებდნენ.
როგორც ცნობილია, რელიგიური სექტის წარმომადგენლები ადამიანებს რიტუალში მონაწილეობას საკუთარი სურვილის გარეშე აღებინებდნენ. რიტუალის მიზანი ამ ადამიანების მიერ ცოდვების მონანიება იყო, წინააღმდეგ შემთხვევაში ისინი მათ კვლავდნენ.
გამოძიების ფარგლებში ჩატარებული ჩხრეკის დროს სამართალდამცველებმა ასევე მიაგნეს 15 ადამიანს. ისინი სავარაუდოდ, რელიგიური სექტის წარმომადგენლებს დატყვევებული ჰყავდათ.
1tv.ge
Loading ...