ფასების ზრდა არა მხოლოდ საქართველოში, არამედ მთელ მსოფლიოში გამოწვევას წარმოადგენს. გაეროს სურსათისა და სოფლის მეურნეობის ორგანიზაციის (FAO) ცნობით, მსოფლიოში საკვების ფასებმა ბოლო 10 წლის მანძილზე რეკორდულ ნიშნულს მიაღწია, მხოლოდ ბოლო ერთი წლის მანძილზე კი ფასები საშუალოდ 30%-ით გაიზარდა.
ამასთან, ოქტომბერში მსოფლიოს მასშტაბით საკვებ პროდუქტებზე ფასი 3%-ით გაიზარდა სექტემებრთან შედარებით, რაც მაქსიმალური ზრდის მაჩვენებელია 2011 წლის ივლისის შემდეგ.
რაც შეეხება საქართველოს, აღსანიშნავია, რომ ოქტომბერში ფასები მხოლოდ 4 საკვებ პროდუქტზეა შემცირებული. კერძოდ, საკვები პროდუქტები, რომელზეც წლიურად ფასები შემცირდა, შემდეგია:
- მანდარინი – 16,85%-ით;
- ლიმონი – 14,37%-ით;
- ხახვი – 2,61%-ით;
- ყავა კაფეში – 0,46%-ით.
ცნობისთვის, „საქსტატის“ ინფორმაციით, ოქტომბერში ფასები 12.8%-ით არის გაზრდილი. კერძოდ, სტატისტიკის ეროვნული სამსახურის მონაცემებით, 2021 წლის ოქტომბერში წინა თვესთან შედარებით ინფლაციის დონემ საქართველოში 1.3 პროცენტი, ხოლო წლიური ინფლაციის დონემ 12.8 პროცენტი შეადგინა.
Loading ...