“ორჯერ იყო გაგზავნილი წერილი, რომ მოეჭრათ ხეები” – ვარკეთილში მანქანას ხე დაეცა

ძლიერი ქარის გამო, ვარკეთილში ხე წაიქცა. შედეგად  მიმდებარედ მდგომი ავტომანქანა დაზიანდა.

ადგილობრივები დედაქალაქის მერიას რეაგირებისკენ მოუწოდებენ და ამბობენ, რომ ტერიტორიაზე ხეები გამხმარია და ქარის დროს მათი წაქცევის ალბათობა დიდია, საფრთხის თავიდან ასარიდებლად მათ თბილისის მერიას არაერთხელ მიმართეს თუმცა უშედეგოდ. ​

“ორჯერ იყო გაგზავნილი წერილი, რომ მოეჭრათ ხეები, რადგან ისინი ცუდ მდგომარეობაში იყო. ფაქტის წინაშე დავდექით და ფაქტობრივად სამ მანქანას დაეცა ერთ-ერთი ჩემი იყო. შემოწმებაზე როცა იყო მოსულები უთქვამთ არ წარმოადგენდა საფრთხეს ეს ხეები, რადგან წითელ ზონაში იდგა ეს ხეები”, – თქვა დაზარალებულმა.​