ორი ოზურგეთელი იტალიური ქალაქის სცენაზე – ემიგრანტი ქართველების კულტურული წვლილი

ქალთა საერთაშორისო დღის აღსანიშნავად, 8 მარტს კასტელანა-გროტეს მუნიციპალიტეტის ადმინისტრაციულ შენობაში გაიმართა ღონისძიება, სახელწოდებით “ქალები – სიტყვები და მუსიკა დღესასწაულში”, რომელშიც მონაწილეობას ორი ქართველი ემიგრანტი იღებდა.

2015 წლიდან მოყოლებული, 8 მარტს კასტელანაში ტრადიციად იქცა ეს პატარა, მაგრამ მნიშვნელოვანი ღონისძიება. ეს არის დაუვიწყარი გამოცდილება მონაწილეებისთვის, პატივისცემა ქალთა ხელოვნებაში შეტანილი წვლილისადმი და განსაკუთრებული მომენტი იმ ქალებისთვის, რომლებიც ხშირად სცენის მიღმა რჩებიან, თუმცა არანაკლებ იმსახურებენ ყურადღებას.

ღონისძიებაში, რომლის ორგანიზატორი, ადგილობრივი საინფორმაციო სააგენტო ViviCastellanaGrotte და კასტელანა-გროტეს მუნიციპალიტეტის მერია გახლავთ, 2018 წლიდან ქალაქში მცხოვრები ქართველი ემიგრანტებიც მონაწილეობენ.

ღონისძიებაში მონაწილეობდა სხვადასხვა ასაკის, პროფესიისა და გამოცდილების 14 კასტელანელი ქალი, რომლებმაც ნაკლებად ცნობილ ავტორთა ნაწარმოებები წაიკითხავს.

XI ღონისძიების მკითხველები იყვნენ: მარილენა სგობა, ჰასნა ელ ხატაბი, ანტონელა სერიო, როსელა პაჩელო, ალმა ბლონდა, ტონია ფანელი, ჯოვანი ამოდიო, ალისონ ოლივერა, ანჯელა პრიმავერა, მარია როზარია მეული, გრაციონა სანტორო, ჩინცია დე მიკელე, ანა რეკია და ნინო კვაჭანტირაძე.

ღონისძიება მიჰყავდა ახალგაზრდა წამყვანს – ალესანდრო გუგლიელმის, ბარის “ალდო მოროს” უნივერსიტეტის სტუდენტს. ღონისძიებას მუსიკალურად აფორმებდა მარიამ ბოკუჩავა – 11 წლის ქართველი გოგონა, რომელიც ვიოლინოზე დაკვრას კასტელანა-გროტეს “Viterbo”-ს მუსიკალურ სკოლაში სწავლობს.

ემიგრანტი ქართველებისთვის მსგავსი ღონისძიებების მნიშვნელობა და ინტეგრაციის ხელშეწყობა

ქალთა საერთაშორისო დღეს კასტელანა-გროტეში გამართულ ღონისძიებაში ორი ქართველი – ნინო კვაჭანტირაძე და მარიამ ბოკუჩავა მონაწილეობდნენ.
ნინო კვაჭანტირაძემ ანა კალანდაძის ლექსი „შენ ისე ღრმა ხარ ქართულო ცაო“ (თარგმანი: თათია ყველაშვილი) წაიკითხა, ხოლო მარიამ ბოკუჩავამ ვიოლინოზე ორი ნაწარმოები, ბეთხოვენის “Inno alla gioia“ და ოფენბახის “Can-Can“ შეასრულა.

ასეთი კულტურული ღონისძიებები განსაკუთრებულ მნიშვნელობას ატარებს ემიგრანტი ქართველებისთვის, რადგან: მსგავსი ღონისძიებები ემიგრანტ ქართველებს აძლევს საშუალებას, შეინარჩუნონ და გაავრცელონ საკუთარი კულტურა და ენა უცხო გარემოში. ქართველების აღნიშNულ სცენაზე გამოსვლას საფუძველი ქართველმა ემიგრანტმა ჟურნალისტმა ხათუნა შარაძემ ჩაუყარა.
– ნინო კვაჭანტირაძის მიერ ქართული პოეზიის წაკითხვა არა მხოლოდ ემიგრანტებისთვის მნიშვნელოვანი ემოციური მომენტია, არამედ ადგილობრივ საზოგადოებასაც აცნობს ქართული ლიტერატურის სილამაზეს.
როდესაც ქართველი ემიგრანტები იღებენ მონაწილეობას საერთაშორისო კულტურულ ღონისძიებებში, ისინი უფრო მეტად ხდებიან მასპინძელი ქვეყნის საზოგადოების ნაწილი.
– მარიამ ბოკუჩავას ვიოლინოზე შესრულებული ნაწარმოებები ამტკიცებს, რომ ქართველები მზად არიან საკუთარი ნიჭითა და უნარებით შეიტანონ წვლილი ადგილობრივ კულტურულ ცხოვრებაში.

ქართველი ემიგრანტების ხმის გაძლიერება ქართული ხელოვნების და პოეზიის წარმოჩენა ამგვარ საერთაშორისო სცენაზე ქართველ ემიგრანტებს შესაძლებლობას აძლევს, იყვნენ არა მხოლოდ აუდიტორიის ნაწილი, არამედ კულტურული ღონისძიებების აქტიური მონაწილეები.

მსგავსი ღონისძიებები ემიგრანტ ქართველებს ორ დიდ გამოწვევაში ეხმარება – საკუთარი ეროვნული იდენტობის შენარჩუნებაში და მასპინძელ ქვეყანაში ინტეგრაციაში.
როდესაც ქართველები არა მხოლოდ ჩართულები არიან ადგილობრივ კულტურულ ცხოვრებაში, არამედ წარმატებით წარმოაჩენენ ქართულ ხელოვნებას, ეს უარყოფს ემიგრანტების მიმართ არსებულ სტერეოტიპებს და აძლიერებს მათ პოზიციას საზოგადოებაში.

წყარო: aprioritv