ორი მძლავრი მიწისძვრია მოხდა ირანში, დაიღუპა ერთი ადამიანი

14 ნოემბერს ირანის სამხრეთში, საპორტო ქალაქ ბანდარ აბასის მახლობლად ორი მძლავრი მიწისძვრის შედეგად მინიმუმ ერთი ადამიანი დაიღუპა. ამის შესახებ სახელმწიფო ტელევიზია იტყობინება.

ტელევიზიის თანახმად, 6,3 და 6,4 მაგნიტუდის მიძისძვრებმა შეარყია სამხრეთის პროვინცია ჰორმოზგანი.

„დაიღუპა ერთი ადამიანი, რომელსაც ელექტროგადამცემი ბოძი დაეცა,“ იტყობინება ირანის სახელმწიფო ტელევიზია ადგილობრივი ხელისუფლების წარმომადგენლებზე დაყრდნობით.

აშშ-ის გეოლოგიური მონიტორინგის სამსახურის (USGS) თანახმად, ერთ-ერთი მიწისძვრის მაგნიტუდა 6,3 იყო.

როგორც ირანის სახელმწიფო ტელევიზია იუწყება, მიწისძვრა ჰორმოზგანის პროვინციის რამდენიმე ქალაქში იგრძნობოდა.

ნგრევის შესახებ ცნობები ჯერჯერობით არ მოიპოვება.

ირანი სეისმურად არამდგრად რეგიონში მდებარეობს. უკანასკნელ წლებში ქვეყანაში რამდენიმე გამანადგურებელი მიწისძვრა მოხდა.

تصاویری از لحظه #زلزله شدید در جنوب کشور pic.twitter.com/3mOJGlrgtf

— شرق (@SharghDaily) November 14, 2021

www.radiotavisupleba.ge