სამი ადამიანი, მათ შორის დედა-შვილი დაიღუპა ავარიის შედეგად ქობულეთი-ბათუმის შემოვლით გზაზე

ქობულეთის შემოვლით გზაზე მომხდარ მძიმე ავტოსაგზაო შემთხვევას სამი ადამიანის, მათ შორის მცირეწლოვანის სიცოცხლე ემსხვერპლა, დაიღუპა ბავშვის დედაც. ორი კი მძიმედ დაშავდა.

ავტოსაგზაო შემთხვევა წუხელ, სოფელ ხუცუბანთან მოხდა. ინფორმაციას მომხდარის შესახებ გამოცემა “აჭარა თაიმსი” ავრცელებს.

შეჯახება მსუბუქ ავტომობილსა და სატვირთო მანქანას შორის მოხდა. შეჯახების შედეგად ადგილზე გარდაიცვალა მსუბუქ ავტომობილში მყოფი ერთ-ერთი მგზავრი. ორმა ზრდასრულმა და ერთმა ბავშვმა სხვადასხვა სიმძიმის დაზიანებები მიიღეს და ისინი სასწრაფო სამედიცინო დახმარების ჯგუფებმა ახლოს მდებარე კლინიკაში გადაიყვანეს.

მოზარდის ჯანმრთელობის მდგომარეობა კრიტიკულად მძიმე იყო. მოგვიანებით, ცნობილი გახდა, რომ ბავშვი საავადმყოფოში გარდაიცვალა, გარდაიცვალა მანქანაში მყოფი კიდევ ერთი მგზავრი.