ორი ადამიანი დაიღუპა CO-ს ინტოქსიკაციით რუსთავში

რუსთავში, მეგობრობის გამზირზე CO-ს ინტოქსიკაციით 2 ადამიანი დაიღუპა, ოთხი კი მოიწამლა. ამის შესახებ ინფორმაციას „ინფო რუსთავი“ ავრცელებს.

სააგენტოს ცნობით, საჰარეო მილიდან მოხდა CO-ს გავრცელება მე-3 და მე-4 სართულის ბინებში, რა დროსაც მე-4 სართულზე მცხოვრები ასაკოვანი დედა-შვილი დაიღუპა, ხოლო მე-3 სართულზე მცხოვრები სამი არასრულწლოვანი და მათი დედა მოიწამლა.

ოთხივე მათგანი სასწრაფო დახმარების ეკიპაჟმა კლინიკაში გადაიყვანა და მათ სიცოცხლეს საფრთხე არ ემუქრება.

ადგილზე მობილიზებულები იყვნენ სამართალდამცველები და “სოკარ გაზ ჯორჯიას” წარმომადგენლები.

მომხდარზე დაწყებულია გამოძიება.