ოპოზიციური პარტიების წარმომადგენლები და მოქალაქეები პრეზიდენტის ადმინისტრაციასთან მივიდნენ

მეტროსადგურ „მარჯანიშვილის“ მიმდებარე ტერიტორიიდან წამოსული ოპოზიციური პარტიების წარმომადგენლები და მოქალაქეები ორბელიანების სასახლესთან მივიდნენ.

როგორც აქციის მონაწილეები აცხადებენ, პრეზიდენტის ინსტიტუტი ქვეყანაში ერთადერთი დამოუკიდებელი ინსტიტუტია.

ორბელიანების სასახლესთან მისულმა აქციის მონაწილეებმა პატივისცემის ნიშნად ტაშიც დაუკრეს.

ასევე ორბელიანების სასახლესთან ხმის გამაძლიერებელი დინამიკებით საქართველოს ეროვნული და ევროკავშირის ჰიმნიც ჩართეს.