ოპოზიციამ შესაძლოა, პარლამენტს მანდატების გაუქმების მოთხოვნით კიდევ ერთხელ მიმართოს

ოპოზიციამ პარლამენტს შესაძლოა, სადეპუტატო მანდატების გაუქმების მოთხოვნით კიდევ ერთხელ მიმართოს.

“ყველამ ვისაც აქვს მანდატები, კიდევ ერთხელ უნდა მიმართოს პარლამენტს ამ მანდატების გაუქმებაზე, მე ეს გადაწყვეტილება მიღებული მაქვს და მგონია, რომ ეს გასაკეთებელია”, – განაცხადა “გირჩი – მეტი თავისუფლებისთვის” ლიდერმა, ზურაბ ჯაფარიძემ ოპოზიციური პარტიების შეხვედრის შემდეგ განაცხადა.

მისივე თქმით, მსგავსი გადაწყვეტილება მოლაპარაკებების პროცესს ხელს არ შეუშლის და აჩვენებს ოპოზიციის სერიოზულ განწყობას.

„სტრატეგია აღმაშენებლის“ ერთ-ერთი ლიდერი სერგო ჩიხლაძე კი განმარტავს, რომ ოპოზიცია ასევე მსჯელობს, მიმართოს საკონსტიტუციო სასამართლოსაც მანდატების გაუქმებასთან დაკავშირებით.

„ამაზე იყო მსჯელობა. საბოლოო გადაწყვეტილება არ მიგვიღია. ჩვენმა კოლეგებმა გამოთქვეს აზრი, რომ ხელახლა ხომ არ შევიტანოთ ეს საკითხი. ამაზე მსჯელობა არ დასრულებულა. კიდევ არის ერთი ვარიანტი, რომ საკონსტიტუციო სასამართლოს მივმართოთ რატომ არ უქმდება მანდატები. მოგეხსენებათ, ანტიკონსტიტუციურია ის, რაც ხდება. ამაზე იყო მსჯელობა, საბოლო გადაწყვეტილება არ მიგვიღია“,- აცხადებს ჩიხლაძე.