ოლიმპიადის საერთაშორისო დღესთან დაკავშირებით დღეს ოზურგეთში გარბენი მოეწყო. სპორტულ აქტივობაში მონაწილეობა ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა სპორტული სექციების სპორტსმენებმა მიიღეს.
ოლიმპიური გარბენი რუსთაველის ქუჩაზე მოეწყო და იგი შუქნიშნიდან თეატრამდე მანძილს, 500 მეტრს მოიცავდა. გარბენში მონაწილეობა გოგონებმა და ვაჟებმა მიიღეს. პირველ ადგილზე ვაჟებში მოჭიდავე გიორგი ლომჯარია გავიდა. გოგონებში კი მძლეოსანი ქეთევან თევზაძე.
პირველ და საპრიზო ადგილზე გასული სპორტსმენები თასებით, მედლებით და სიგელებით ოზურგეთის მუნიციპალიტეტის სპორტულ- გამაჯანსაღებელ დაწესებულებათა გაერთიანების გენერალურმა დირექტორმა კობა ბალავინოვმა, სასკოლო – სპორტული ოლიმპიადის გურიის კოორდინატორმა დიტო ტუღუშმა და ოზურგეთის მუნიციპალიტეტის მერიის სპორტის განყოფილების წარმომადგენელმა დავით არობელიძემ დააჯილდოვეს.
Loading ...
