ოლიმპიადის საკვალიფიკაციო წყალბურთში – საქართველოს ნაკრებმა ბრაზილია დაამარცხა და ჯგუფიდან გავიდა

საქართველოს წყალბურთელთა ნაკრებმა ოლიმპიადის საკვალიფიკაციო ეტაპზე ბრაზილია 12:8 დაამარცხა და ჯგუფიდან გავიდა.

ქართველებმა თავიდანვე მოიპოვეს უპირატესობა, 4:1 დაწინაურდნენ და მიუხედავად იმისა, რომ მეოთხე პერიოდი დათმეს, საბოლოოდ ოთხქულიანი სხვაობით გაიმარჯვეს.

ამ მოგებით საქართველოს წყალბურთელთა ნაკრებმა ჯგუფიდან გასვლა გაინაღდა. მიუხედავად იმისა, რომ ბოლო ტურის მატჩი გასამართი აქვს, ჩვენი გუნდი მესამე ადგილზეა საბერძნეთისა და მონტენეგროს შემდეგ.

18 თებერვალს ქართველების მეტოქე სწორედ მონტენეგრო იქნება. მატჩი 16 საათზე დაიწყება.