აშშ-ის კონგრესის ოთხმა რესპუბლიკელმა წევრმა – ადამ კინზინგერმა, გერი კონოლიმ, ელიოტ ენჯელმა და მაიკლ მაკკაულიმ – საქართველოს პრემიერმინისტრს გიორგი გახარიას კიდევ ერთი წერილი მიწერეს.
ამის შესახებ ინფორმაცია ადამ კინზინგერის პრესსამსახურის უფროსმა ტვიტერის საშუალებით გაავრცელა.
“დღეს ადამ კინზინგერმა, გერი კონოლიმ, ელიოტ ენჯელმა და მაიკლ მაკკაულიმ წერილი გაუგზავნეს საქართველოს პრემიერმინისტრს სერიოზულად შეშფოთებულებმა პოლიტიკური დევნით და ეკონომიკის ვარდნის ტენდენციით, რაც პრობლემას უქმნის საქართველოს სვლას დემოკრატიული რეფორმებისა და დასავლეთში ინტეგრაციისკენ”, – წერს კინზინგერის პრესსამსახურის უფროსი.
ეს არ არის პირველი წერილი, რომელიც საქართველოს პრემიერმინისტრმა იანვარში კონგრესმენებისგან მიიღო.
18 იანვარს, ამერიკელმა კონგრესმენმა, მარკუეინ მალინმა გიორგი გახარიას ღია წერილით მიმართა. რესპუბლიკელმა კონგრესმენმა ხსენებულ წერილში საქართველოს მთავრობას მოუწოდა, შეწყდეს მტრული დამოკიდებულება ამერიკული კომპანიების მიმართ. მალინი წერილში წერს, რომ ის შეშფოთებულია საქართველოს დემოკრატიული ღირებულებებისგან განგრძობადი გადახვევითა და ეკონომიკური გაუარესებით.
Loading ...
