ოთხი მედალი საქართველოს ჩემპიონატიდან და გუნდური მესამე ადგილი – ოზურგეთელი მოჭიდავეების წარმატება

1 – 2 მაისს სტეფანწმინდაში ბერძნულ – რომაულ – ჭიდაობაში თხუთმეტწლამდელთა შორის საქართველოს ჩემპიონატი გაიმართა.  ასპარეზობაში სხვადასხვა მუნიციპალიტეტებიდან ასეულობით მოჭიდავე იღებდა მონაწილეობას. ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა ჭიდაობის სექციის სპორტსმენებმა შეჯიბრზე წარმატებით იასპარეზეს და შინ ოთხი მედლით, მათ შორის ორი ოქროთ და ორი ვერცხლით დაბრუნდნენ. ასევე გუნდური მესამე ადგილიც აიღეს.  I ადგილი – რეზი გუჯაბიძე – 58 კგ, ცოტნე კოჩალიძე – 62 კგ, II ადგილი – ლაზარე გოგოტიშვილი – 52 კგ, კობა ჯამბერიძე – 62 კგ.

ოზურგეთის გუნდი ასპარეზობისთვის ძმებმა ზურაბიანებმა, კახაბერ აბაშიძემ, იაგო ბოკუჩავამ, ლაშა გუჯაბიძემ, გურამ და ფრიდონ აბაშიძეებმა, ქემალ ხარაბაძემ, ლაშა ქადეიშვილმა და გურამ მაჭარაშვილმა მოამზადეს.