ოზურგეთში 52 წლის ქალი მეზობელმა გულ- მკერდის მიდამოებში დაჭრა. შემთხვევა იაკობ შემოქმედელის, ყოფილი წულუკიძის ქუჩაზე მოხდა. დაჭრილი კლინიკა ”მედალფაში” გადაიყვანეს.
დაჭრის ფაქტი ქალის კუთვნილ საცხოვრებელ სახლში, ცივი იარაღით მოხდა. როგორც მეზობლები აცხადებენ, 51 წლის მამაკაცს ფსიქიკური პრობლემები ჰქონდა. ის დედასთან ერთად ცხოვრობს და აღნიშნულ მისამართზე სულ რამდენიმე თვეა, რაც გადმოვიდნენ. კლინიკის ხელმძღვანელი დათო მდინარაძე ”გურიაTV”-თან დაჭრილი ქალის შეყვანის ფაქტს ადასტურებს.
“შემოიყვანეს დაჭრილი ქალი. ჩაუტარდა ოპერაცია. მისი მდგომარეობა საშუალო სიმძიმისაა. პაციენტის სიცოცხლეს საფრთხე არ ემუქრება” – ამბობს მდინარაძე.
რაც შეეხება თავდამსხმელს, ის პოლიციამ მომხდარი ფაქტიდან რამდენიმე საათში დააკავა. დანაშაული 10-დან 15 წლამდე ვადით თავისუფლების აღკვეთას ითვალისწინებს. გამოძიება საქართველოს სისხლის სამართლის კოდექსის 108 -ე მუხლით მიმდინარეობს, რაც განზრახ მკვლელობის მცდელობას გულისხმობს.
Loading ...