ოზურგეთში, ჯორჯიაშვილის ქუჩაზე მრაავალბინიან (12 ნომერში) კორპუსში მცხოვრები მობინადრეები უკვე 13 წელია სახურავის გადახურვას უშედეგოდ ითხოვენ. წვიმის დროს მოსახლეობას, გაუსაძლის პირობებში უწევს ყოფნა, რადგანაც წყალი საცხოვრებელ ოთახებში ჩამოსდით. სამი წლის წინ, ძლიერი ქარის გამო კორპუსს სანახევროდ სახურავი აძვრა. ბინაში მაცხოვრებლებმა, როგორც თავად აცხადებენ მუნიციპალიტეტის მერიას წერილობით არაერთხელ მიმართეს. ერთ-ერთი მობინადრე ნ.ლ. ამბობს, რომ ორი წლის წინ შემოწმებაზეც იყვნენ მოსულები, მაგრამ მათი მხრიდან ქმედითი ნაბიჯები არ გადადგმულა, მხოლოდ დაპირებით შემოიფარგლნენ. აღნიშნულ ბინაში მცხოვრებლებს ფაქტიურად წვიმაში უწევთ ცხოვრება, რადგან ყოველი უამინდობის დროს მათ ოთახებში ისევე წვიმს როგორც გარეთ.
ოზურგეთის მერიაში აცხადებენ, რომ შესაბამისი სამსახურები მუნიციპალიტეტში ახორციელებს სხვადასხვა ინფრასტრუქტურულ პროექტებს, მათ შორის მრავალბინიანი საცხოვრებელი სახლების რეაბილიტაციას.
ოზურგეთში ეტაპობრივად მოხდება მრავალბინიანი საცხოვრებელი სახლების განახლება. რაც შეეხება, ქალბატონ ნ.ლ.-ს ოზურგეთის მერიაში განცხადება აქვს რეგისტრირებული, რომელიც განხილვის პროცესშია და პასუხს წერილობით მიიღებს. – გვითხრა ოზურგეთის მერიის პრესსამსახურის თანამშრომელმა ნინო ბახტაძემ.
მასალა პროექტის “განათლებული, პროფესიონალი კადრები რეგიონული მედიის გაძლიერებისთვის” ფარგლებში, ახალგაზრდა რეპორტიორმა ლიკა თურქაძემ მოამზადა.
Loading ...