ოზურგეთში ქვიშა-ხრეშის უკანონო მოპოვების ფაქტები გამოავლინეს

სამართალდარღვევები დაფიქსირდა ოზურგეთის, ხონისა და მცხეთის მუნიციპალიტეტებში.

სამართალდამრღვევებმა სპეციალური ტექნიკის გამოყენებით, მდინარეების – სუფსის, ცხენისწყლისა და მტკვრის კალაპოტებიდან უკანონოდ მოიპოვეს ჯამში 60 კუბურ მეტრამდე მოცულობის ქვიშა-ხრეში.

ქვიშა-ხრეშის უკანონო მოპოვებით გარემოს დიდი ზიანი ადგება და სერიოზული ეკოლოგიური შედეგებიც შეიძლება მოყვეს; მათ შორის: მდინარის კალაპოტების დეფორმირება, ნაპირების ჩამონგრევა, რამაც შეიძლება გამოიწვის სავარგულების მიტაცება, გაუვარგისება, ეროზია, ასევე, დასახლებული პუნქტების დატბორვა, წარეცხვა, წყლის დონის კლება, ეკოსისტემების განადგურება.

გარემოსთვის ზიანის პრევენციის, ბუნებრივი რესურსების დაცვისა და სამართალდარღვევების მინიმუმამდე დაყვანის მიზნით, გარემოსდაცვითი ზედამხედველობის დეპარტამენტის ეკიპაჟები, ქვეყნის მასშტაბით 24-საათიან უწყვეტ პატრულირებას ახორციელებენ და სამინისტროს ცხელ ხაზზე (153) შემოსულ თითოეულ შეტყობინებაზე მყისიერ რეაგირებას ახდენენ. შედეგად, 2026 წლის მხოლოდ იანვარში, ქვიშა-ხრეშის უკანონო მოპოვების 9 ფაქტი გამოავლინეს. მათგან 3 ფაქტი შეიცავს სისხლის სამართლის დანაშაულის ნიშნებს.