ოზურგეთში სამოქალაქო მოძრაობა ”თავისუფლებისთვის” ქალთა მიმართ ძალადობის წინააღმდეგ ბრძოლის საერთაშორისო დღესთან დაკავშირებით სოლიდარობის აქცია გამართა. მოძრაობის წარმომადგენლები და საზოგადოებოს სხვა წევრები ოზურგეთის იუსტიციის სახლის შეიკრიბნენ და ამით თბილისშიქალთა მოძრაობის მიერ დღეს დაგეგმილ სექსუალური ძალადობის წინააღმდეგ მარშს სოლიდარობა გამოუცხადეს. როგორც მოძრაობის წევრები აცხადებენ, დღეს მოქმედი კანონმდებლობა სრულყოფილად არ არეგულირებს გაუპატიურებას და სქესობრივ დანაშაულებს – გაუპატიურებად ითვლება სქესობრივი აქტი, რომელსაც თან ახლავს დამატებითი ძალადობა, მაგალითად ცემა, ხოლო თანხმობის ნაკლებობა გაუპატიურებად არ ითვლება. დღევანდელი აქციით მოძრაობამ “თავისუფლებისთვის” აღნიშნული სახის საკანონმდებლო ცვლილებები მოითხოვა.
კომენტარები
Loading ...
