ოზურგეთში უკრაინის მხარდამჭერი ბანერი დააზიანეს

ქალაქ ოზურგეთში გუშინ, უკრაინის დამოუკიდებლობის დღეს, 24 აგვისტოს გვიან ღამით, უკრაინის მხარდამჭერი ბანერი დააზიანეს.

ინფორმაციას “გურიის მოამბე” ავრცელებს.

გამოცემის ინფორმაციით –

“უცნობმა პირებმა ბანერს საღებავებით სავსე პოლიეთილენის პარკები ესროლეს.

უკრაინის მხარდამჭერი ბანერი “გურიის მოამბე”-მ რუსეთის საოკუპაციო  ძალების უკრაინაში შეჭრიდან მეათე დღეს, მიმდინარე წლის 4 მარტს უკრაინის მხარდაჭერის მიზნით, მის საკუთრებაში არსებულ ბილბორდზე განათავსა. აღსანიშნავია, რომ პირველი  თავდასხმა ბანერზე უკრაინის დამოუკიდებლობის დღეს, მისი დამონტაჟებიდან 5 თვის შემდეგ განხორციელდა.”