ოზურგეთში უკრაინიდან ჩამოსული რუსეთის მოქალაქე ბათუმის ცხელების ცენტრში გადაიყვანეს

წარმოშობით რუსი ეროვნების და რუსეთის მოქალაქეობის მქონე შუა ხნის მამაკაცი, რომლის ფაქტობრუვი საცხოვრებელი ოზურგეთია, 10 ივნისს უკრაინის დედაქალაქ კიევიდან დაბრუნდა. მამაკაცმა 15 დღიანი კარანტინი გაიარა და 25 ივნისს ოზურგეთში დაბრუნდა. უცხო ეროვნების მამაკაცს კარანტინიდან დაბრუნების შემდეგ ტემპერატურა დაუფიქსირდა და მიმართა ეპიდემიოლოგებს. როგორც საოგადოებრივი ჯანდაცვის წარმომადგენლები გვეუბმებიან , რუსი ეროვნების მამაკაცი გუშინვე გადაიყვანეს ბათუმის ცხელების ცენტრში. აქვე უნდა აღინიშნოს ისიც , რომ მას პსრ კვლევა ჩატარებული კარანტინში ყოფნისას ჰქონდა და ტესტმა უარყოფითი პასუხი აჩვენა. როგორც საზოგადოებრივი ჯანდაცვის წარმომადგენლები გვეუბნებიან, მამაკაცის ვარაუდით ის კონდინციონერმა გააცივა და მან გამოიწვია ცხელებაც. მამაკაცს განმეორებითი პსრ კვლევა უახლოეს საათებში ჩაუტარდება. ახლა მას ექიმები აკვირდებიან.