ოზურგეთში, სოფელ შრომაში, კულტურის სახლს სრული რეაბილიტაცია უტარდება

სამუშაოების ფარგლებში მიმდინარეობს უნიკალური შიდა სივრცეების აღდგენა, შენობის გაწმენდა, გამაგრება, რესტავრაცია, სახურავის რეკონსტრუქცია, ასევე, ტერიტორიის კეთილმოწყობა; სრულად შენარჩუნდება და აღდგება ძეგლის ისტორიული იერსახე.

პროექტს, რომლის ბიუჯეტი 2 565 000 ლარია სსიპ საქართველოს კულტურული მემკვიდრეობის დაცვის ეროვნული სააგენტო ახორციელებს.

ისტორიული შენობა, რომელსაც კულტურული მემკვიდრეობის ძეგლის სტატუსი აქვს, 1956 წელს აშენდა. ის საქართველოში კულტურის სახლებს შორის ერთ-ერთი ყველაზე გამორჩეულია და წლებია, უკვე აღდგენას და განახლებას საჭიროებდა.