ოზურგეთში, სოფელ სილაურში მეწყერში მოყოლილ ადამიანს ეძებენ

ოზურგეთის მუნიციპალიტეტის სოფელ სილაურში, მეწყერში მოყოლილ ადამიანს ეძებენ.

ამ დროისთვის, მაშველების მიერ ძებნის ღონისძიების ფარგლებში, სოფელ ჯუმათში ნაპოვნია ერთი არასრულწლოვნის ცხედარი.

სტიქიის ადგილებზე იმყოფებიან შინაგან საქმეთა სამინისტროს სხვადასხვა დანაყოფების წარმომადგენლები, ასევე, მობილიზებულია შესაბამისი ტექნიკა და აქტიურ რეჟიმში მიმდინარეობს სამუშაოები.

შეგახსენებთ , რომ გურიის რეგიონში მოსული უხვი ნალექის გამო, ადიდებულია მდინარეების კალაპოტები, ჩამოწოლილია მეწყერი, დაზიანებულია საცხოვრებელი სახლები, ხიდები და სოფლებთან დამაკავშირებელი გზები. სტიქიის ეპიცენტრია ლანჩხუთი და მის მუნიციპალიტეტში შემავალი სოფლები.

მუნიციპალიტეტის მერია მოსახლეობას მოვუწოდებს, თავი შეიკავონ გადაადგილებისგან და დაემორჩილონ ადგილზე მყოფ შინაგან საქმეთა სამინისტროს წარმომადგენლების მითითებებს.