ოზურგეთში სასწრაფო სამედიცინო დახმარების ექიმებსა და ექთნებს კორონავირუსი დაუდგინდათ

დღეს  ოზურგეთში  სასწრაფო სამედიცინო დახმარების ბრიგადის 5 მედიკოს, ექიმსა და ექთანს, კორონავირუსი დაუდასტურდათ. როგორც საზოგადოებრივ ჯანდაცვაში გვითხრეს, ოზურგეთის სასწრაფო დახმარების სამსახური საგანგებო რეჟიმზე გადადის. 5 დაინფიცირებული მედიკოსის კონტაქტები უკვე გამოკვლეულია და სხვა პირებთან ერთად მათ ახლო კონტაქტს ( ჯამში 15 ) სასწრაფოს ექიმები, მძღოლი თუ ექთნები წაროადგენენ. ,,აღნიშნული ფაქტის გამო ოზურგეთის სასწრაფო თვითიზოლაციაში უნდა გადასულიყო და დროებით შეეჩერებია მუშაობა, რაც გამორიცხულია. აქედან გამომდინარე დაავადებათა კონტროლის ეროვნული ცენტრის მითითებითა და რეკომენდაციით, ზემდგომმა უწყებამ მიიღო გადაწყვეტილება, რომ ოზურგეთში სასწრაფოს გაეგრძელებია მუშაობა. აღნიშნული 15 პირი სამუშაოზე, ანუ გამოძახებებზე სრული ეკიპირებით ივლიან და ყველა 72 საათში ერთხელ დაიტესტებიან, რომ სასწრაფოს სრული გაჩერება და პარალიზება არ მოხდეს,, – გვითხრეს ოზურგეთის საზ.ჯანდაცვაში.