ოზურგეთში სასკოლო ავტობუსების მძღოლებმა გამაფრთხილებელი აქცია გამართეს. აქციის მონაწილეები აცხადებენ, რომ უკვე სამი თვეა შრომითი ანაზღაურება არ მიუღიათ. როგორც მძღოლები ამბობენ, ხელფასის ჩარიცხვის დაგვიანება ახალი არ არის და ბოლო თვეებში მსგავსი პრობლემა მათ წინაშე არაერთხელ დადგა. აქციის მონაწილეები აცხადებენ, რომ რეგიონში იგივე პრობლემა აქვთ სხვა სასკოლო ავტობუსების მძღოლებსაც. აღნიშნული მძღოლების სახელფასო ანაზღაურებას საქართველოს მთავრობის კონსოლიდირებულ ტენდერში გამარჯვებული ფირმა “თაიმსერვისი”უზრუნველყოფს. ფირმის წარმომადგენელი აცხადებს, რომ საუბარია არა 3 თვის, არამედ 1 თვის ანაზღაურებაზე. მისივე თქმით დავალიანების ჩარიცხვა უახლოეს საათებში მოხდება.
კომენტარები
Loading ...