პროექტის განხილვა, რომელიც 2020 წელს საპარლამენტო არჩევნების პროპორციული სისტემით ჩატარებას გულისხმობს, დღეს ოზურგეთის ფოლკლორის ცენტრში შედგა. მას პარლამენტის თავჯდომარე, უმრავლესობის წევრები, ოპოზიციისა და არასამთავრობო სექტორის წარმომადგენლები ესწრებოდნენ. განსახილველად ცვლილების ორი პროექტი იყო გამოტანილი. ერთი მმართველი პარტიის დეპუტატების მიერ არის ინიცირებული, ხოლო მეორე – საინიციატივო ჯგუფის მიერ, რომელმაც საქართველოს 200 ათასი მოქალაქის ხელმოწერები შეაგროვა.
პოლიტიკური პარტიების წარმომადგენლებმა შეხვედრაზე ბლოკებში გაერთიანების შესაძლებლობა და 3%იანი ბარიერი მოითხოვეს.
“დემოკრატიულმა პოლიტიკურმა ძალამ გავითვალისწინეთ საზოგადოების დაკვეთა. როგორც მისცემენ მოქალაქეები პარტიებს ხმას, იმ რაოდენობის მანდატები ექნებათ. პირველად მოხდა ისტორიაში, როდესაც ხელისუფლებაში მყოფმა პარტიამ მიიღო ასეთი დემოკრატიული გადაწყვეტილება, რომ შეცვალოს საარჩევნო სისტემა. ჩვენ გთავაზობთ პროპორციული წესით, ნულოვანი ბარიერით ჩავატაროთ არჩევნები,”-განაცხადა პარლამენტის თავმჯდომარე არჩილ თალაკვაძემ.
Loading ...
