ოზურგეთში რომელი ა(ა)იპების ხელმძღვანელებმა დატოვეს თანამდებობები

ოზურგეთში ა(ა)იპების ხელმძღვანელობაში ცვლილებებია. ოზურგეთის სერვის-ცენტრის ხელმძღვანელის თანამდებობა გია ანთაძემ დატოვა. ჩვენი ინფორმაციით, ის თანამშრომლებს უკვე დაემშვიდობა. აღნიშნული ცვლილება ოზურგეთის მუნიციპალიტეტის მერიამ დაგვიდასტურა. ფაქტობრივად, გადაწყვეტილია საფეხბურთო კლუბ ”მერცხალის” დირექტორის ჯონი კალანდაძის წასვლის საკითხიც. მას ჯერ ოფიციალურად განცხადება არ დაუწერია, მაგრამ ეს გადაწყვეტილება უკვე მიღებულია.

რაც შეეხება დანარჩენ ა.ა.ი.პ.-ებს, ჯერჯერობით ცნობილი არ არის გაგრძელდება თუ არა მსგავსი ცვლილებები. თუმცა თუ იმას გავითვალისწინებთ, რომ ახალი მერის პაატა კუნჭულიას არჩევის შემდეგ, სხვადასხვა ტიპის არაერთი თანამდებობრივი ცვლილება განხორციელდა. სავარაუდოდ, ხელმძღვანელები სხვა ორგანიზაციებშიც შეიცვლებიან