ოზურგეთში გაეროს ბავშვთა ფონდის ინიციატივით და ორგანიზებით მასწავლებლებისთვის ვაქცინაციის თემაზე საინფორმაციო შეხვედრა გაიმართა.
შეხვედრაზე, რომელსაც ჯანდაცვის ცნობილი ექსპერტების ჯგუფი უძღვებოდა, განიხილეს ისეთი საკითხები, როგორიცაა იმუნიზაციის ტენდენციები, ეპიდემიოლოგიური ვითარება, ქრონიკული დაავადებების მქონე და ალერგიის მქონე პაციენტების ვაქცინაცია და სხვა მნიშვნელოვანი საკითხები.
აღსანიშნავია, რომ ოზურგეთის მუნიციპალიტეტის საჯარო სკოლებში 1400 -მდე ადამიანია დასაქმებული და მათი 97% უკვე ვაქცინირებულია.
მომდევნო შეხვედრებს გაეროს ბავშვთა ფონდი ჩოხატაურსა და ლანჩხუთში გამართა.
კომენტარები
Loading ...