![](https://guria.tv/wp-content/uploads/2024/07/28468307_1331377130300099_8886791034056772582_n.jpg)
პოლიტიკურ პარტია ”ახალის” ოზურგეთის ორგანიზაციას ირინა ინარიძე უხელმძღვანელებს. აღნიშნულ ინფორმაციას ”გურიის მოამბე” ავრცელებს.
„მიხარია, რომ ასეთი კვალიფიციური კადრი და პროფესიონალი შემოგვიერთდა, დარწმუნებული ვარ, რომ ქალბატონი ირინა, ოზურგეთელებთან და გურულებთან ერთად მნიშვნელოვან სიტყვას იტყვის და დიდ წვლილს შეიტანს ჩვენს გამარჯვებაში მომავალ საპარლამენტო არჩევნებში. ის იქნება ხელმძღვანელი ოზურგეთში, ლანჩხუთსა და ჩოხატაურში და მის გუნდთან ერთად იქნება მთავარი გადაწყვეტილების მიმღები ადგილზე“ განაცხადა ნიკა გვარამიამ.
”მიმაჩნია, რომ დღეს ყველა პროდასავლურად მოაზროვნე ადამიანს ერთი ამოცანა გვაქვს, გადავარჩინოთ ქვეყანა, დავაბრუნოთ იგი ევროატლანტიკურ და დასავლურ სივრცესა და რაც მთავარია, კონსტიტუციის ჩარჩოებში. ახლა პასიური მხარდაჭერის დრო არაა,თითოეული ჩვენგანი ბოლომდე უნდა დავიხარჯოთ, რათა გამოვიხსნათ ქვეყანა რუსული მარწუხებიდან , და გავხდეთ გარდაუვალი ცვლილებების მონაწილე. ჩემი გადაწყვეტილებაც აქედანაა ნაკარნახევი . მერწმუნეთ, ჩვენ ერთად შევძლებთ ამ ცვლილებების განხორციელებას. ”ახლები” კი ამ პროცესში სხვა პროდასავლურ ძალებთან და რაც მთავარია, ქართველ ხალხთან ერად, თავის წონიან სიტყვას იტყვიან.” – განუცხადა ”გურიაTV”-ის ირინა ინარიძემ.
ირინა ინარიძე იყო გურიის სამხარეო ადმინისტრაციის (დაარსებიდან) ეკონომიკური სამსახურის უფროსი, ოზურგეთის მერიის თანამშრომელი, ოზურგეთის მეორე საჯარო სკოლის პირველი არჩეული დირექტორი, ოზურგეთის საგანმანათლებლო რესურს ცენტრის დირექტორი, ბოლო წლებში ის ბიზნესში მოღვაწეობდა და სხვადასხვა წლებში იყო სანატორიუმ „კოლხიდას“ და გაერთიანება „მოდერნის“ დირექტორი.