ოზურგეთში მომხდარ მკვლელობასთან დაკავშირებით მდუმარე აქცია გაიმართა

დღეს სამოქალაქო მოძრაობამ “თავისუფლებისთვის” ოზურგეთის ჭადრების ბაღში მდუმარე აქცია გამართა. აქციით სამოქალაქო აქტოვისტები ფემიციდის კიდევ ერთ ფაქტს გამოეხმაურნენ, რომელიც 12 აგვისტოს ოზურგეთში მოხდა და 38 წლის ქალი ყოფილმა ქმარმა მოკლა.
აქციის მონაწილეების განცხადებით, მათ სურთ საზოგადოებასკიდევ ერთხელ შეახსენონ თითოეული ადამიანის პასუხისმგებლობის მნიშვნელობა ოჯახში და ქალთა მიმართ ძალადობის შემთხვევებზე რეაგირებისას.

ქალთა მკვლელობების სტატისტიკა:

 2018 წელი – 22, მათგან 7 – ოჯახური ნიშნით;
 2019 წელი – 19, მათგან 10 – ოჯახური ნიშნით;
 2020 წელი – 24, მათგან 15 – ოჯახური ნიშნით;
 2021 წელი – 22, მათგან 11 – ოჯახური ნიშნით.

პოლიციის მიერ ოჯახში ძალადობის ფაქტებზე გამოცემული შემაკავებელი ორდერების სტატისტიკა საქართველოში:

2018 წელი – 7046 შემაკავებელი ორდერი;
2019 წელი – 10266 შემაკავებელი ორდერი;
2020 წელი – 10321 შემაკავებელი ორდერი;
2021 წელი – 9376 შემაკავებელი ორდერი;
2022 წელი (6 თვე) – 4297 შემაკავებელი ორდერი.