სოფელ შრომისა და მასთან არსებული ეკალდიდის საბაზისო სკოლა, ურეკი და N4 საჯარო – ეს იმ სკოლების ჩამონათვალია, რომლებიც სწავლას დისტანციურ რეჟიმში აგრძელებენ.
როგორც ოზურგეთის საგანმანათლებლო რესრურსცენტრის დირექტორმა ლელა იმედაშვილმა გვითხრა ხსენებული სკოლებიდან ქალაქის N4 საჯარო სკოლა მომავალი კვირიდან კონტაქტურ სწავლებას დაუბრუნდება, რაც შეეხება შრომასა და ურეკს, მათ ონლაინ სწავლების პერიოდი გუშინ დაეწყოთ.
აღნიშნული გადაწყვეტილება, როგორც გვითხრეს, უფრო პრევენციული ხასიათისაა, ვიდრე ვირუსის რეალური გავრცელების გამო ნაკარნახევი ნაბიჯი.
რაც შეეხება ჰიბრიდულ სწავლებას ამ ეტაპისათვის ჰიბრიდულ სწავლებაზე 8 სკოლა რჩება. სადაც ვირუსის გავრცელების ერთეული შემთხვევებია, როგორც პედაგოგებში ასევე მოსწავლეებში.
კომენტარები
Loading ...