ოზურგეთში თხილის ფასი დაეცა

დღეს ოზურგეთის მიმღებ პუნქტებში თხილის ფასი საგრძნობლად დაბალი იყო წინა დღეებთან შედარებით.

თუ გუშინ 1 კგ თხილის ფასი 3 ლარი და 80 თეთრიდან 4 ლარამდე მერყეობდა, დღეს იგივე სახეობის თხილი 3 ლარიდან 3,5 ლარის ფარგლებშია. მოსახლეობა ფასის ასეთი მკვეთრი დაცემით უკმაყოფილოა. ზოგი მათგანი აცხადებს, რომ მათგან თხილი 2,80 ლარად ჩაიბარეს.

თხილის ფასის ასეთ ცვლილებას მიმღებ პუნქტებში ხშირი წვიმების გამო თხილის ხარისხის გაუარესებას მიაწერენ. მათივე განმარტებით წინასწარ ძნელია იმის განსაზღვრა მოიმატებს თუ არა ფასი, რადგან იგი მათზე არაა დამოკიდებული და ფასებს ისე ვცვლით როგორც გვიკარნახებენო.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში თამუნა კირკიტაძემ მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.