ოზურგეთში თვითიზოლაციაში 27 პირი იმყოფება

დღეის მდგომარეობით ოზურგეთში თვითიზოლაციაში 27 პირი იმყოფება. თვითიზოლაციაში მყოფთა რიცხვი დღეს, მას შემდეგ გაიზარდა, რაც აღნიშნულ ოთხ ქვეყანას, რომლებიც წითელ ზონაში იყვნენ მოქცეულები, ევროპის კიდევ არაერთი ქვეყანა დაემატა. საზოგადოებრივი ჯანდაცვის ცენტრის წარმომადგენლის განცხადებით თვითიზოლაციაში მყოფი ადამიანები თავს კარგად გრძნობენ და მათ არანაირი ვირუსისთვის დამახასიათებელი სიმპტომი არ აღენიშნებათ. აღსანიშნავია ისიც, რომ ორ მათგანს თვითიზოლაციის პერიოდი დღეს საღამოს , ერთს კი ხვალ საღამოს გასდის. რაც შეეხება კარანტინში იძულებით გადაყვანილ პირს, ქალბატონი, როგორც საზოგადოებრივ ჯანდაცვაში გვითხრეს აბასთუმანის საკარანტინო ზონაში თავს შესანიშნავად გრძნობს.