ოზურგეთში ექადიასთან დამაკავშირებელი ხიდის მონაკვეთი დაზიანდა. სტიქიის გამო ადიდებული მდინარე კალაპოტიდან გადმოვიდა და ხიდის განაპირა მხარე დააზიანა. როგორც ადგილობრივები ამბობენ, ხიდი მანამდეც ავარიული იყო, მაგრამ მისი რეაბილიტაცია ამ დრომდე არ მომხდარა.
უსაფრთხოების გამო გზა ჯებირებით არის გადაკეტილი და მასზე მოძრაობა აკრძალულია.
ოზურგეთის მერიის პრესსამსახურში აცხადებენ, რომ პირველადი შეფასება უკვე მოხდა დაზიანებული ხიდის მონაკვეთზე. მალე დაიწყება ხიდის პროექტირება და აღდგენის პროცედურა. მოსახლეობას კი გადაადგილება ალტერნატიული გზით შეუძლია, კონკრეტულად, წმინდა გიორგის ქუჩის გავლით. აღნიშნული უბანი ოზურგეთის ქალაქის ნაწილს მიეკუთვნება.
კომენტარები
Loading ...
