ოზურგეთში დისტანციურ სწავლებაზე ერთი საჯარო სკოლა მთლიანად, რვა კი ჰიბრიდულზე გადავიდა

ხვალიდან ოზურგეთის მუნიციპალიტეტის სოფელ გურიანთის საჯარო სკოლა კორონავირუსის გავრცელების საფრთხის გამო მთლიანად ონლაინ სწავლებაზე  გადადის. აღნიშნულის შესახებ ინფორმაცია ,, გურია TV’’- ის ოზურგეთის საგანმანათლებლო რესურსცენტრის დირექტორმა ლელა იმედაშვილმა მიაწოდა. გურიანთაში ინფიცირების შემთხვევები დაფიქსირდა, როგორც მოსწავლეებში, ინფიცირებულია შვიდი მოსწავლე, ასევე ინფიცირების შემთხვევებია პედაგოგებში, კორონავირუსი 3 მათგანს დაუდასტურდა. ჰიბრიდულ სწავლებაზეა გადასული, ასევე, სოფელ სილაურის საჯარო სკოლა. სადაც ვირუსი, იმედაშვილის განცხადებით, პედაგოგს დაუდგინდა. ის კლასებთან ონლაინ იმუშავებს. ,,კოვიდ 19 ‘’ შემთხვევები გამოვლინდა შემოქმედის სკოლის მეოთხე კლასში, ასევე N4 საჯარო სკოლის მესამე კლასში. ჯამში, ამ ეტაპისათვის ოზურგეთის მუნიციპალიტეტში დისტანციურად სწავლება ერთი, გურიანთის საჯარო სკოლა გადავიდა. ჰიბრიდულ სწავლებაზე კი რვა სკოლაა გადასული, თხუთმეტი მოსწავლითა და 5 მასწავლებლით.