ოზურგეთში შპს ”გურია ექპრესის” ე.წ. ”გულისტანის” თანამშრომლები კვლავ გაფიცვას გეგმავენ. აღნიშნულ ინფორმაციას სოციალურ ქსელში აგრო მეურნეობის, ვაჭრობისა და მრეწველობის პროფკავშირის თავმჯდომარე გიორგი დიასამიძე ავრცელებს. მისი განცხადებით, აქციები 9 დეკემბერს დაიწყება და უწყვეტი პროტესტი იქამდე გაგრძელდება, ვიდრე კომპანია დათმობაზე არ წავა. გავრცელებული ინფორმაციით, გაფიცვის მიზეზი ერთ–ერთი დასაქმებულის გათავისუფლება და თაბამშრომლების დარღვეული შრომითი უფლებებია.
”9 დეკემბერს სიცივე იქნება, წვიმა, შეიძლება თოვლიც, 10-11-18-26 დეკემბერს ამინდები უფრო ცივი, ალბათ ჩიჩილაკთან ერთად (კობახიძეს არ ვგულისხმობ) ახალწელსაც იქიდან მოგილიცავთ.
ცეცხლს დავანთებთ ერთმანეთს გავამხნევებთ, ისტორიებს მოვუყვებით და გავთბებით.
დაგვიპირისპირებენ ყველას და ყველაფერს, შეეცდებიან ჩვენს დისკრედიტაციას, მარგინალიზებას, მაგრამ გავუძლებთ და გადავიტანთ!
9 დეკემერს ოზურგეთში ”გურია ექსპრესის” პირველადი პროფკავშირული ორგანიზაცია იფიცება მეც იქ ვიქნები. ბიჭებმა მითხრეს შენს გარეშე მაგ საქმეს არ ვიზავთო, ხოდა 9 დეკემბრიდან ოზურგეთში ვარ. ვიცი ლაბორ • LABOR -ის პირველადი პროფკავშირული ორგანიზაციებიც იქ იქნებიან!
იქ ვიქნებით გურიაში, გავიმარჯვებთ და ჩამოვალთ 
” – წერს გიორგი დიასამიძე სოციალურ ქსელში.
” – წერს გიორგი დიასამიძე სოციალურ ქსელში.შეგახსენებთ, რომ შპს ”გურია ექპსრესის” თანამშრომლები 2021 წლის ზაფხულშიც გაიფიცნენ და 36 დღიანი უწყვეტი პროტესტის შემდეგ დასახულ მიზანს მიაღწიეს. კომპანია დათმობაზე წავიდა და მშრომლების მოთხოვნები ნაწილობრივ დააკმაყოფილა.
კომენტარები
Loading ...