ოზურგეთში გრიპის საწინააღმდეგო ვაქცინაცია დაიწყო - ვის აქვს აღნიშნული ვაქცინის უფასოდ გაკეთების შესაძლებლობა - "გურიაTV"

ოზურგეთის კლინიკა ”მედალფაში” გრიპის საწინააღმდეგო ვაქცინაციის პროცესი მიმდინარეობს. ამ ეტაპზე აღნიშნული ვაქცინით სამედიცინო პერსონალი და ორსულები იცრებიან.

როგორც მედიკოსები ამბობენ, კორონავირუსის პანდემიის გათვალისწინებით, მაშინ, როცა არსებობს თვინდემიის ანუ ორივე ვირუსით ერთდროულად დაინფიცირების საფრთხე, გრიპის საწინააღმდეგო ვაქცინაციამ კიდევ უფრო დიდი მნიშვნელობა შეიძინა.

ინფექციონისტები ამბობენ, ორივე ვირუსის შემთხვევაში ადამიანის ჯანმრთელობას საკმაოდ დიდი საფრთხე ექმნება.

დაავადებათა კონტროლის ეროვნული ცენტრის ოზურგეთის განყოფილების ინფორმაციით, ახალი კვირიდან ოზურგეთში ვაქცინის უფასოდ გაკეთების შესაძლებლობა მოქალაქეთა გაცილებით ფართო წრეს ექნება.

ეს პირები არიან:

შაქრიანი დიაბეტის მქონე პირები;

დიალიზზე მყოფ პირები;

მოხუცთა და ბავშვთა სახლებში მყოფი პირები;

საოჯახო ბავშვთა სახლებში მყოფი ბავშვები;

C-ჰეპატიტის მქონე ადამიანები;

ორსულები;

აივინფექციის მქონე პირები;

60 წლის ზემოთ მოქალაქეები;

სკოლის პედაგოგები;

ორგანოგადანერგილები;

ჯანმრთელობის დაცვის პერსონალი;