ოზურგეთის ჭადრების ბაღში ნარკოდანაშაულში ბრალდებული გიორგი გოგოტიშვილის მხარდამჭერი უკვე მეორე აქცია გაიმართა.
აქციაში მონაწილეობას გოგოტიშვილის ოჯახის წევრები, მეგობრები, პოლიტიკური პარტიების წარმომადგენლები და საზოგადოების სხვა წევრები იღებდნენ.
როგორც აქციის მონაწილეები აცხადებენ, გიორგი გოგოტიშვილი ნარკოტიკის მომხმარებელი არასოდეს ყოფილა. შესაბამისად, ისინი გოგოტიშვილის დაკავებას უსამართლოდ მიიჩნევენ და მოითხოვენ, რომ დაკავებული უკანონო პატიმრობიდან სასწრაფოდ გათავისუფლდეს.
გიორგი გოგოტიშვილი 18 აგვისტოს კურორტ ბახმაროში, კოვიდ-ტესტირების რიგში დგომისას აიყვანეს. ბრალის მიხედვით, მას 17 აბი სუბოტექსი აღმოუჩინეს. დანაშაულის დამტკიცების შემთხვევაში გოგოტიშვილს 15-25 წლამდე პატიმრობა ემუქრება.
კომენტარები
Loading ...