ოზურგეთის სპორტის სასახლეში ძალოსნობაში მუნიციპალური პირველობა, გელა მარგველიანის სახელობის გარდამავალი თასის გათამაშება გაიმართა მუნიციპალურ პირველობაში 6 წონით კატეგორიაში 17 სპორტსმენი მონაწილეობდა, მათ შორის 2 გოგო, რომლებმაც პირველად იასპარაზეს და შეჯიბრების გამარჯვებულები გახდნენ. შეჯიბრება საკმაოდ სანახაობრივი გამოდგა. აღსანიშნავია სოფელ მერიის ძალოსანთა გუნდის შედეგი, რომელმაც სულ რაღაც 3 თვეა დაიწყო ფუნქციონირება და საკმაოდ კარგი მომზადება აჩვენა. საბოლოო შედეგები ასე გადანაწილდა: 8 სპორტსმენი ოქროს ადგილს დაეუფლა, 5 სპორტსმენმა ვერცხლის მედალი მოიპოვა, 4 სპორტსმენი კი ბრინჯაოს მედალს დასჯერდა. რაც შეეხება გელა მარგველიანის გარდამავალ თასს, იგი დამსახურებულად გიორგი სამსონიამ მოიპოვა. შეჯიბრებას გარდაცვლილი სპორტსმენის ოჯახის წევრებიც ესწრებოდნენ. ასპარეზობის ბოლოს გამარჯვებულები ორგანიზატორმა, ოზურგეთის მუნიციპალიტეტის სპორტულ-გამაჯანსაღებელმა დაწესებულებამ თასებით, მედლებით და დიპლომებით დააჯილდოვა.
მასალა მომზადებულია პროექტის “ჩვენ ვირჩევთ, ჩვენ ვაკონტროლებთ” ფარგლებში.
Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.
Loading ...