ამ წუთებში ოზურგეთში, თაყაიშვილის ქუჩაზე “ალტ ინფოს” ოფისთან მოქალაქეების საპროტესტო აქცია მიმდინარეობს. აქციაზე, რომლის ორგანიზატორიც სამოქალაქო მოძრაობა “თავისუფლებისთვის” არის, ოზურგეთში პრორუსული ორიენტაციის მქონე კონსერვატიული მოძრაობის და ალტ-ინფოს ოფისის არსებობას და ფუნქციონირებას აპროტესტებენ.
აქციის მონაწილეები თავდაპირველად ჭადრტების ბაღში შეიკრიბნენ, ხოლო შემდეგ მშვიდობიანი მსვლელობით გაემართნენ თაყაიშვილის ქუჩისკენ.
კონსერვატიული მოძრაობის ოფისთან აქციის მონაწილეებს უკვე დახვდათ სამართალდამცავები მობილიზებულები, რომლებიც იცავენ ოფისის შესასვლელს.
ადგილზე აქციის მონაწილეები სიტყვით გამოდიან, ისინი კონსერვატიული მოძრაობის მხარდამჭერებს მოუწოდებენ ნუ აყვებიან რუსულ პროპაგანდას, გააცნობიერონ რუსული საფრთხეები საქართველოში და დაიჭირონ სახელმწიფოებრივად და ეროვნულად სწორი პოზიცია.
მხარეები ერთმანეთს სიტყვიერად რამდენჯერმე დაუპირისპირდნენ, თუმცა ვითარება ფიზიკურ შეხლა-შემოხლაში არ გადაზრდილა.
Loading ...