ოზურგეთმა ბათუმის "დინამოს" 5 : 4 მოუგო

13 აპრილს ბათუმში ფეხბურთში სამეგრელოს ზონის ჩემპიონატი დაიწყო. ჩემპიონატში მონაწილეობას ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებული საფეხბურთო სექციის, ნაკრები გუნდი იღებს. დღეს ოზურგეთელი ნორჩი ფეხბურთელები, ბათუმის ,, დინამოს” ფეხბურთელებს, ანგისას სტადიონზე შეხვდნენ. ასპარეზობა დაძაბულად და საინტერესოდ წარიმართა. საფეხბურთო თამაში უხვგოლიანი გამოდგა. ოზურგეთელმა ფეხბურთელებმა  მასპინძლებს 5:4 მოუგეს. სამეგრელოს ზონის ჩემიონატი გრძელდება. მომდევნო თამაშს ოზურგეთელი ფეხბურთელები  შინ სამტრედიელებს შეხვდებიან. თამაში 20 აპრილს გაიმართება. ოზურგეთის ფეხბურთელთა გუნდი ჩემპიონატისთვის : გოჩა კრასოტკინმა, გია გოგუამ, რამაზ ასკურავამ, გია ტუღუშმა და თორნიკე წულაძემ მოამზადეს.