ოზურგეთის N 1 საჯარო სკოლის პედაგოგს კორონავირუსი დაუდასტირდა

დღეს საღამოს კორონავირუსი ოზურგეთის N 1 საჯარო სკოლის პედაგოგს დაუდასტირდა. როგორც სკოლის დირექტორი, მაია თავართქილაძე ამბობს, აღნიშნული პედაგოგი სკოლაში ორშაბათის შემდეგ, რაც ტემპერატურა დაუფიქსირდა და თავი შეუძლოდ იგრძნო არ ყოფილა. ,, პედაგოგი, რომელსაც დღეს ,,კოვიდ 19,, დაუდასტურდა, ორშაბათის შემდეგ სკოლაში არ ყოფილა, რადგან ტემპერატურა ჰქონდა. რაც შეეხება სკოლას, დღეიდან ერთი კვირის განმავლობაში დისტანციურ რეჟიმზე ვართ გადასულები, რახან სკოლაში საარჩევნო უბანია გახსნილი,, – გვითხრა მაია თავართქილაძემ როგორც ეპიდემიოლოგებმა განგვიმარტეს პედაგოგის დაინფიცირების გამო, არცერთი პედაგოგის თვითიზოლაციაში გადასვლა, ამ ეტაპისათვის არ არის საჭირო. რაც შეეხება დღეს, საღამოს მონაცემებს ოზურგეთში 11 ახალი შემთხვევა გამოვლინდა, რომელიც სხვადასხვა სოფლებს უკავშირდება.