ოზურგეთის ხუთ საჯარო სკოლაში კორონავირუსი დაფიქსირდა

ოზურგეთის ხუთ საჯარო სკოლაში კორონავირუსი 7 მოსწავლეს დაუდასტურდა. ოზურგეთის N2 , N4 ასევე, ზემო ნატანების, კონჭკათისა და ნაგომრის საჯარო სკოლებში მოსწავლეებს კორონავირუსი დაუდასტურდათ. როგორც საგანმანათლებლო რესურსცენტრის დირექტორმა, ლელა იმედაშვილმა გვითხრა ხსენებულ სკოლებში ,,კოვიდ 19 ‘’ თითო კლასში თითო მოსწავლეს დაუდგინდა, შესაბამისად კლასები სადაც ვირუსი დაფიქსირდა ონლაინ სწავლებაზე გადავიდნენ. ლელა იმედაშვილი მშობლებს მაღალი პასუხისმგებლობის აღებისაკენ მოუწოდებს და პრევენციის გზებსაც სთავაზობს, რათა სკოლა და სხვისი შვილები ავადობისგან დაიცვან. შეგახსენებთ რომ ოზურგეთის საჯარო სკოლებში კონტაქტური სწავლება სამი დღის წინ, 4 ოქტომბერს დაიწყო.