ოზურგეთის წმინდა ნინოს სახელობის სამრევლო სკოლა მასწავლებელთა ინფიცირების გამო სრულად დისტანციურ რეჟიმზე გადადის.როგორც ოზურგეთის საგანმანათლებლო რესურსცენტრის უფროსმა ლელა იმედაშვილმა გვითხრა, კორონავირუსის ინფექცია აქ ხუთ პედაგოგს დაუდასტურდა და საზოგადოებრივი ჯანდაცვის ცენტრის რეკომენდაციით, სასწავლო დაწესებულება ონლაინ სწავლებაზე გადავიდა. პედაგოგები სასწავლო პროცესის აღდგენამდე გეგმიურად დაიტესტნენ და მათ მოსწავლეებთან შემხებლობა, როგორც იმედაშვილმა გვითხრა არ ჰქონიათ. რაც შეეხება მუნიციპალიტეტში არსებულ სხვა საჯარო თუ სამრევლო სკოლებს ისინი სწავლას ჩვეულ რეჟიმში, კონტაქტურად აგრძელებენ. გამონაკლისი ურეკის სკოლაა, სადაც სარემონტო სამუშაოეების გამო სწავლა ათი დღე დისტანციურად გაგრძელდება.
კომენტარები
Loading ...
