ოზურგეთის სოციალური მომსახურების სააგენტოში კორონავირუსი რამდენიმე თანამშრომელს ერთდროულად დაუდასტურდა. აღნიშნული სამსახურის ხელმძღვანელი თეა ლომჯარია, ამ წუთებში საზოგადოებრივი ჯანდაცვის ეპიდემიოლოგებთან კონსულტაციებს გადის, იმაზე თუ სამსახურმა რა რეჟიმში: კონტაქტურად, დისტანციურად თუ ჰიბრიდულად იმუშაოს. როგორც ეპიდემიოლოგები და თავად სოციალური სააგენტოს ხელმძღვანელი აცხადებენ, საგენტო მუშაობის ჰიბრიდულ რეჟიმზე გადავა და თანამშრომლები სააგენტოში მორიგეობით ივლიან. ამ ეტაპისთვის კი სოციალურ სააგენტოში ყველა საეჭვო პირი იტესტება.
,,ეპიდემიოლოგებთან კონსულტაციის შემდეგ გადაწყდა, რომ ოზურგეთის სოციალური მომსახურების სააგენტო მუშაობის ჰიბრიდულ რეჟიმზე გადავიდეს, რადგანაც სააგენტოში რამდენიმე თანამშრომელს დაუდასტურდა „კოვიდ 19” ჩვენივე მოსახლეობის უსაფრთხოებისთვის სააგენტოში კონტაქტურ რეჟიმში იმუშავებს მხოლოდ კანცელარია.კანცელარიაში კი მოქალაქეებთან მხოლოდ კოვიდგადატანილი თანამშრიმლები იკონტაქტებენ” – გვითხრა თეა ლიმჯარიამ.
Loading ...