ქვემო და ზემო ნატანების, ასევე ლიხაურისა და ცხემლისხიდის სკოლებში, იყო შემთხვევები, მოსწავლეებსა და პედაგოგებში კორონავირუსის დადასტურებისა. აღნიშნულის გამო, ზემოთ ჩამოთვლილ სკოლებში ორშაბათიდან სწავლა ჰიბრიდულ, ზემო ნატაბებში კი მთლიანად ონლაინ რეჟიმში გადადის. უფრო კონკრეტულად : ცხემლისხიდის – XII, ქვემო ნატანების – XI და XII, ლიხაურის – დაწყებითი კლასები, ანუ I – IV ჩათვლით, ორი კვირით ონლაინ სწავლებაზე გადადიან. საგულისხმო დეტალი გახლავთ ისიც, რომ სოფელ ლიხაურში ,,კოვიდ 19,, ორ პედაგოგს, ტესტირების შემდეგ დაუდასტურდათ. ოზურგეთის მუნიციპალიტეტის სამ სკოლაში ჰიბრიდულ სწავლებაზე გადასვლასთან დაკავშირებით გადაწყვეტილება, ოზურგეთის საგანმანათლებლო რესურსცენტრმა, საზოგადოებრივ ჯანდაცვასთან შეთანხმებით მიიღო. რაც შეეხება ზემო ნატანების სკოლას, სადაც ვირუსი მუსიკის პედაგოგს დაუდასტურდა, მას კი შემხებლობა თითქმის მთელ სკოლასთან ჰქონდა, აქ ორი კვირით მთლიანად სკოლა, დისტანციურ სწავლებაზე გადასვლასთან დაკავშირებით ბრძანება განათლების მინისტრმა გამოსცა.
აღნიშნული ინფორმაცია ოზურგეთის საგანმანათლებლო რესურსცენტრმა და ოზურგეთის საზოგადოებრივი ჯანდაცვის ცენტრმა დაგვიდასტურა და დეტალებიც დაგვიზუსტა.