წუხელ ოზურგეთში მუნიციპალიტეტის მერიის სამხედრო აღრიცხვის სამსახურის ყოფილი უფროსი ილია ლეჟავა დააკავეს. გავრცელებული ინფორმაციით, სუსმა ლეჟავა საკუთარ სახლში წუხელ აიყვანა. როგორც ოჯახის წევრები ტელეკომპანია “TVპირველს” ეუბნებიან, მათთვის უცნობია თუ რის გამო დააკავეს ილია ლეჟავა.
ცნობილია, რომ სამხედრო აღრიცხვის სამსახურის უფროსი ოზურგეთის მერმა ავთანდილ თალაკვაძემ დაახლოებით ერთი თვის წინ გაათავისუფლა. დათხოვნის ფაქტს ლეჟავა აპროტესტებდა და სასამართლოში სარჩელის შეტანასაც აპირებდა. როგორც ილია ლეჟავა ამბობდა, თალაკვაძემ მას განცხადების დაწერა მოსთხოვა და უარის მიღების შემდეგ თავად დაითხოვა.
ილია ლეჟავა ოზურგეთის მერიის სამხედრო აღრიცხვის სამსახურს 14 წლის მანძილზე წარმატებით ხელმძღვანელობდა.
ლეჟავას დაკავების შესახებ სუსს ინფორმაცია ჯერ არ გაუვრცელებია. ლილუაშვილის უწყებაში აღნიშნეს, რომ დეტალებს მალე გაასაჯაროვებენ.
Loading ...